Amper 7,5 miljoen kubiek in een week uit damme onttrekOctober 31, 2025

Net meer as 7,44 miljoen kubieke meter is in die afgelope week uit die land se damme benut. Volgens NamWater se jongste damverslag is 1,5 miljoen kubiek benut in die sentrale damme met bronne tans op 67,5 persent. In die Suide is ‘n reuse 3 miljoen kubiek uit Hardap onttrek met die dam op 59,9 persent. Daar is 1,4 miljoen kubiek uit Neckartal vir boere onder die damwal gepomp. Nautedam het tans 89 persent water met Oanob op 66,7 persent. In die Ooste staan bronne op 25,2 persent met Otjivero op 38,5 persent.